برمنگھم (ایس ایم عرفان طاہر سے) نوجوان نسل بیرونی دنیا میں اپنی صلاحیتوں کا لوہا منواتے ہو ئے اپنے ملک کا نام روشن کر رہی ہے ، بلا شبہ برمنگھم زیادہ تر جواں سال نسل کا شہر ہے تعلیم اور صحت سمیت تمام تر شعبوں میں نوجوان کا رہا ئے نمایاں سرانجام دے رہے ہیں۔ ان خیالات کا اظہارلارڈ مئیر آف برمنگھم سید شفیق حسین شاہ نے دی امیگرنٹ بیسٹ سیلر کے زیر اہتمام کونسل ہا ئوس میں امیگرنٹ کے مسائل با رے ایک اہم سیمینار سے بطور مہمان خصوصی خطاب کرتے ہو ئے کیا۔
