yes urdu logo
  • خبریں
    • اہم ترین
    • بین الاقوامی خبریں
    • شوبز
    • مقامی خبریں
    • کاروبار
    • کھیل
  • تارکین وطن
  • اردو ادب - شاعری
  • ویڈیوز - Videos
  • اشتھارات
  • دلچسپ اور عجیب
  • کالم
Dark Mode
Skip to content
yes urdu logo
  • خبریں
    اہم ترین
    • Benazir 'Smuggled Nuclear Data' to North Koreaبے نظیر بھٹو نے شمالی کوریا کے دورے میں یورینیم افزودگی کا خفیہ ڈیٹا اسمگل کیا؟ نئی کتاب میں دعویٰ
    • 39 Habits of Successful People: Expert Insightsکامیاب لوگوں کی 39 عادات: 31 ماہرین کی بصیرت سے مکمل رہنمائی
    بین الاقوامی خبریں
    • 39 Habits of Successful People: Expert Insightsکامیاب لوگوں کی 39 عادات: 31 ماہرین کی بصیرت سے مکمل رہنمائی
    • Pakistan Tests First Indigenous Fa'az Air-to-Air Missileپاکستان کا پہلا مقامی فضائی مار کرنے والا میزائل ’فائز‘ کا کامیاب تجربہ
    شوبز
    • ایلون مسک کی مصنوعی ذہانت سے تیار کردہ "اوڈیسی" سیریز سوشل میڈیا پر شدید تنقید کی زد میںایلون مسک کی مصنوعی ذہانت سے تیار کردہ “اوڈیسی” سیریز سوشل میڈیا پر شدید تنقید کی زد میں
    • نصیرالدین شاہ کے طلبہ کی حمایت والے بیان پر ہنگامہ، بی جے پی نے تحقیقات کا مطالبہ کر دیانصیرالدین شاہ کے طلبہ کی حمایت والے بیان پر ہنگامہ، بی جے پی نے تحقیقات کا مطالبہ کر دیا
    مقامی خبریں
    • ڈاکٹر(تمغہ خدمت)چوہدری پرویز اقبال لوہسر کی جہلم کے گاؤں لوٹا میں سالانہ بیل میلہ میں بطور مہمانِ خصوصی شرکت
    • 4.4 Magnitude Earthquake Jolts Sindh, No Damage Reportedسندھ میں زلزلے کے جھٹکے، شدت 4.4 ریکارڈ، کوئی جانی نقصان نہیں
    کاروبار
    • حکومت کا اعلان، جیٹ فیول، لائٹ ڈیزل اور مٹی کے تیل کی قیمتوں میں اضافہحکومت کا اعلان، جیٹ فیول، لائٹ ڈیزل اور مٹی کے تیل کی قیمتوں میں اضافہ
    • توانائی کی ترسیل نومبر تک یقینی، آئی ٹی برآمدات 4.6 ارب ڈالر تک پہنچ گئیں، وزیر خزانہ محمد اورنگزیبتوانائی کی ترسیل نومبر تک یقینی، آئی ٹی برآمدات 4.6 ارب ڈالر تک پہنچ گئیں، وزیر خزانہ محمد اورنگزیب
    کھیل
    • عرفات منہاس نے ون ڈے میں نصف سنچری اور پانچ وکٹیں لے کر شاہد آفریدی اور عبدالرزاق کی فہرست میں جگہ بنا لیعرفات منہاس نے ون ڈے میں نصف سنچری اور پانچ وکٹیں لے کر شاہد آفریدی اور عبدالرزاق کی فہرست میں جگہ بنا لی
    • بیلی لاک نین ایک صدی بعد برطانیہ کے سب سے کم عمر چیمپئن جاکی قرار پائےبیلی لاک نین ایک صدی بعد برطانیہ کے سب سے کم عمر چیمپئن جاکی قرار پائے
  • تارکین وطن
  • اردو ادب - شاعری
  • ویڈیوز - Videos
  • اشتھارات
  • دلچسپ اور عجیب
  • کالم
کالم

کراچی کے انتخابی معرکہ کا فاتح کون

Yes 1 Webmaster April 8, 2015April 8, 2015 1 min read
Election
Share this:
Election
Election

تحریر: ایم ایم علی
کراچی کے حلقہ این اے 246 میں انتخابی معرکہ 23 اپریل کو لگے گا اس حلقے میں سیاسی جماعتوں با لخصوص ایم کیو ایم اور تحریک انصاف کی جانب سے انتخابی مہم اس وقت اپنے عروج پر ہے۔ اس حلقے کا ضمنی انتخاب ملکی سیاست میں انتہائی اہمیت اختیار کر چکا ہے، چونکہ یہ حلقہ ایم کیو ایم کا گڑھ ہے اس لئے اس حلقہ میں ہونے والے انتخاب کو سیاسی حلقوں کی جانب سے ایم کیو ایم کیلئے زندگی اور موت کا مسئلہ قرار دیا جا رہا ہے۔

یوں تو کراچی میں ایم کیو ایم کی راویتی حریف جماعت اسلامی ہے لیکن ایسا لگ رہا کہ اس دفعہ یہ انتخابی معرکہ تحریک انصاف اور ایم کیو ایم کے درمیان ہوگا ۔ایم کیو ایم کے رہنما تو اب بھی اپنا حریف جماعت اسلامی کو ٹھہرا رہے ہیں ایم کیو ایم کی نظر میں تحریک انصاف اس حلقے میں تیسرے نمبر پر ہے، مگر (یار لوگوں)کاکہنا ہے کہ 23اپریل کو اصل معرکہ تحریک انصاف اور ایم کیو ایم کے درمیان ہی ہو گا اور تحریک انصاف نے بھی جس جارحانہ انداز میں اس حلقے میں اپنی انتخابی مہم شروع کر رکھی ہے اس سے بھی یہی لگتا ہے کہ تحریک انصاف ایم کیو ایم کو ٹف ٹائم دینے کیلئے مکمل تیار ہے۔

تحریک انصاف کے سربراہ عمران خان نے جناح گراونڈ میں جلسہ کرنے کا اعلان بھی کر رکھا ہے جو یقینا ایم کیو ایم کیلئے نا قابل برداشت ہو گا، کیو نکہ حسب راویت اگر تحریک انصاف جناح گراونڈ میں بڑا جلسہ کرنے میں کامیاب ہو جاتی ہے تو اس سے ایم کیو ایم کو نہ صرف اس حلقے میں بلکہ پورے کراچی میں سیاسی دھچکا لگے گا ۔صولت مرزا کے ایم کیو ایم کے بارے میں تہلکہ خیز انکشافات اور نائن زیرو پر رینجرز کے چھاپے کے بعدایم کیو ایم کو پہلے ہی سیاسی طور پر کافی نقصان پہنچ چکا ہے ۔لیکن ان سب کے باوجود ایم کیو ایم جارحانہ موڈ میں دیکھائی دیتی ہے اور وہ ہر حال میں اس حلقے میں اپنا اثرو رسوخ قائم رکھنا چاہتی ہے اور ہر قیمت پر یہ ضمنی انتخاب جیتنا چاہتی ہے ۔شائد یہی وجہ ہے کہ ایم کیو ایم کی ہر ممکن کوشش ہے کہ عمران خان جناح گراونڈ میں جلسہ نہ کریں ،کیونکہ ایم کیو ایم کو یہ خد شہ بھی ہے کہ اگر تحریک انصاف نے جناح گرونڈ میں جلسہ کر لیا تو تحریک انصاف کی دیکھا دیکھی دوسری جماعتیں بھی جناح گراونڈ کا رخ کریں گی جو ایم کیو ایم کیلئے کسی بھی صورت میں ناقابل قبول ہے ۔چند روز پہلے جب تحریک انصاف کے امیدوار عمران اسمعیل اپنے کارکنوں کے ہمراہ جناح گراونڈ پہنچے تو جو نہی یہ خبر ایم کیو ایم کے رہنماوں تک پہنچی تو وہ بھی اپنے کارکنوں کو لے کر جناح گرونڈ پہنچ گئے اور دنوںجماعتوں کے کارکنوں نے ایک دوسرے کے خلاف نعرہ بازی شروع کر دی بات صرف نعرے بازی تک ہی محدود نہ رہی بلکہ ایم کیو ایم کے کارکنوں نے تحریک انصاف کے امیدوار عمران اسمعیل کی گاڑی پر پتھراو کیا اور ان کی گاڑی کو شدید نقصان پہنچایا ،موقع کی مناسبت کو بھانپتے ہوئے عمران اسمعیل اپنے کارکنوں کے ہمراہ وہاں سے چلے گئے لیکن اس واقعہ کے بعد دونوں جماعتوں میں تنائو مزید بڑ ھ گیا ہے،اس کے علاوہ کریم آباد کے علاقے میں بھی ایم کیو ایم کے کارکنوں نے تحریک انصاف کا انتخابی کیمپ اکھاڑ دیا لیکن اس واقعہ پر ایم کیو ایم کا موقف ہے کہ کیمپ اکھاڑنے والے ہمارے کارکن نہیں بلکہ اس حلقے کی عوام ہے۔

ان دونوں واقعات کے بعد دونوں جماعتوں کے درمیان کشیدگی میں اضافہ ہو گیا ہے اور دونوں طرف سے الفاظ کی جنگ شروع ہو چکی ہے ایک دوسرے پر الزامات کے بھر پور وار کئے جارہے ہیں اور ایک دوسرے کے خلاف دھواں دار پریس کانفرنسیں کی جارہی ہیں ۔بادی النظر میں جیسے جیسے الیکشن کا دن قریب آتا جائے گا ویسے ویسے دونوں جماعتوں کے مابین تلخی بھی بڑتی جائے گی (یار لوگوں) کا کہنا ہے کہ اگر تحریک انصاف جناح گراونڈ میں جلسہ کرنے کے فیصلے پر قائم رہی تو جلسے والے دن کوئی ناخوشگوار واقعہ بھی پیش آ سکتا ہے ۔تحریک انصاف اس حلقے میں حد سے زیادہ جا حانہ انداز میں دیکھائی دے رہی ہے اور اس کے حد سے زیادہ جارحانہ انداز سے بھی لوگوں کے ذہنوں کئی سوالات جنم لے رہے ہیں، کہ کیا تحریک انصاف کو پس پردہ بھی کسی کی حمائت حا صل ہے ؟یا پھر تحریک انصاف صرف ایم کیو ایم پر اپنا دبائو بڑھانے کیلئے جا حانہ انداز اپنائے ہوئے ہے؟۔اس انتخابی معرکے میں شامل تیسری جماعت جماعت اسلامی فی الحال خاموشی سے اپنی انتخابی مہم چلا رہی ہے۔

اگر اس حلقے میں 2013 کے عام انتخابات کے نتائج پر نظر ڈالی جائے تو اس حلقے سے جماعت اسلامی تیسر ے نمبر پر رہی تھی اور تحریک انصاف دوسرے جبکہ ایم کیو ایم ایک لاکھ 37 ہزار سے زائد ووٹ لے کر فاتح رہی تھی لیکن عام انتخابات کی نسبت اب حالات کافی حد تک تبدیل ہو چکے ہیں اور اس وقت میڈیا اور پورے ملک کی نظریں اس حلقے پر ہیں۔ تحریک انصاف کی جانب سے اس حلقے میں رینجرز اور فوج کو طلب کئے جانے کا مطالبہ بھی کیا جارہا ہے،حالات کے پیش نظر الیکشن کمیشن پر بھی دبائو بڑھ رہا ہے کہ وہ الیکشن والے دن اس حلقے میں فوج یا رینجرز تعینات کرے ۔سیاسی پنڈتوں کا کہنا ہے کہ اس حلقے میں ایم کیو ایم کی پوزیشن اب بھی کافی مضبوط ہے اور اگر جماعت اسلا می اس الیکشن میں اپنا امیدوار قائم رکھتی ہے تو اس کا بھی فائدہ ایم کیو ایم کو ہی ہوگا۔مگر اس کے برعکس اگر جماعت اسلامی اپنا امیدوار تحریک انصاف کے امیدوار کے حق میں دستبردار کروالیتی ہے اور اس حلقے کے لوگوں کا اگر مزاج بھی بدلتا ہے اور اس حلقے لوگ بلا خوف خطر ووٹ ڈالنے نکلتے ہیں تو 23 اپریل کو ہونے والے اس ضمنی انتخاب کے حیران کن نتائج بھی سامنے آ سکتے ہیں۔

MM Ali
MM Ali

تحریر: ایم ایم علی

Share this:

Yes 1 Webmaster

8,866 Articles
View All Posts
Imran Khan
Previous Post کراچی میں خوف کی فضا ختم کرنے جا رہا ہوں، عمران خان
Next Post پاکستان کی سرحدی علاقے میں ایران کے سیکیورٹی اہلکاروں کے قتل کی مذمت
Tasneem Aslam

Related Posts

پیرس میں پاک انٹرنیشنل رائٹرز فورم کے زیرِ اہتمام شاز ملک کے شعری مجموعے ’’دیوانِ شاز‘‘ کی پروقار تقریبِ رونمائی

پیرس میں پاک انٹرنیشنل رائٹرز فورم کے زیرِ اہتمام شاز ملک کے شعری مجموعے ’’دیوانِ شاز‘‘ کی پروقار تقریبِ رونمائی

November 5, 2026
Benazir 'Smuggled Nuclear Data' to North Korea

بے نظیر بھٹو نے شمالی کوریا کے دورے میں یورینیم افزودگی کا خفیہ ڈیٹا اسمگل کیا؟ نئی کتاب میں دعویٰ

November 4, 2026
39 Habits of Successful People: Expert Insights

کامیاب لوگوں کی 39 عادات: 31 ماہرین کی بصیرت سے مکمل رہنمائی

November 4, 2026
Pakistan Tests First Indigenous Fa'az Air-to-Air Missile

پاکستان کا پہلا مقامی فضائی مار کرنے والا میزائل ’فائز‘ کا کامیاب تجربہ

November 4, 2026




© 2026 Yes Urdu. All rights reserved.
  • خبریں
  • تارکین وطن
  • اردو ادب – شاعری
  • ویڈیوز – Videos
  • اشتھارات
  • دلچسپ اور عجیب
  • کالم

We use cookies to ensure you get the best experience on our website.

We use cookies to ensure you get the best experience on our website.