ممبئی (یس ڈیسک) اداکارہ کترینہ کیف اور اداکار رنبیر کپور کے درمیان قربت کی خبریں کافی عرصے سے گرم ہیں اور دونوں کی منگنی یا شادی کے چرچے بھی ہوتے ہی رہتے ہیں۔ رنبیر کپور اس سے قبل ان خبروں کی تردید کرچکے ہیں تاہم اب ان افواہوں کا ایک نیا دور شروع ہو گیا ہے۔ ذرائع کا کہنا ہے کہ کترینہ کیف ان دنوں زورو شور سے شادی کی تیاریوں میں مصروف ہیں اور انھوں نے اپنی سائن کردہ تین فلموں میں کام کرنے سے معذرت کرلی ہے اور ان فلموں کا معاوضہ واپس کرنے پر بھی آمادہ ہوگئی ہیں۔
باربی ڈول کہلائی جانیوالی کترینہ ان دنوں فلم \’فتور\’کی شوٹنگ میں مصروف ہیں۔ انہی باتوں کی وجہ سے ہندوستانی میڈیا میں \’دال میں کچھ کالا ہے \’ کی افواہیں گردش کر رہی ہیں۔ ذرائع کے مطابق کترینہ اپنی فلمی مصروفیات سے چھٹکارا حاصل کرکے رنبیر کے ساتھ شادی کی بھرپور تیاریاں کرنا چاہتی ہیں، یہی وجہ ہے کہ انھوں نے فلمسازوں سے معذرت کرلی ہے۔
