کراچی (یس ڈیسک) کراچی میں رینجرز نے گزشتہ رات سی پی ایل سی چیف احمد چنائے کے گھر پر چھاپہ مارا اور اغواء ہونے والے ایک 26 سالہ لڑکے لاریب کے بارے میں پوچھ گچھ کی اور رینجرز کے دفتر بھی پیش ہونے کا کہا۔ احمد چنائے آج رینجرز کے دفتر میں پیش ہوئے اور اپنا بیان ریکارڈ کروایا۔
سی پی ایل سی چیف احمد چنائے نے کہا ان کے گھر پر چھاپہ مارنے کی تصدیق کرتے ہوئے کہا ہے کہ گزشتہ شام ساڑھے پانچ بجے کے قریب رینجرز کے دستے میرے گھر آئے تھے اور ایک نوجوان لاریب کے اغواء کے معاملے پر مجھ سے بات چیت کی۔ انہوں نے کہا کہ وہ کسی بھی اغواء برائے تاوان کی واردات میں ملوث نہیں ہیں۔
گورنر سندھ اور ڈی جی رینجرز سندھ کو تمام واقعے سے آگاہ کر دیا ہے۔ ان کا کہنا تھا کہ اگر میرے گھر سے کوئی رقم برآمد ہوتی تو کیا رینجرز مجھے اس طرح چھوڑ دیتی؟۔ مجھے یہ سی پی ایل سی سے نکالے جانے والے افراد کی سازش لگتی ہے۔
