پشاور (یس ڈیسک) خیبرپختونخوا اسمبلی میں ہنگو کے شہید طالب علم اعتزاز حسن کی برسی کے موقع پر قرارداد منظور کی گئی۔ جس میں ہنگو کوہاٹ روڈ کو اعتزاز حسن کے نام سے منسوب کرنے کا مطالبہ کیا گیا۔
جبکہ صوبہ میں نجی تعلیمی اداروں، گرجا گھروں، مندروں اورت جارتی مراکز کو حساس مقامات قرار دیدیا گیا ہے۔ خیبرپختونخوا اسمبلی اجلاس میں پیپلز پارٹی کی رکن نگہت اورکزئی نے اعتزاز حسن سے متعلق قرارداد پیش کی۔ جسے متفقہ طور پر منظور کیا گیا۔
قرارداد میں کہا گیا کہ ہنگو کے شہید طالب علم اعتزاز حسن اور آرمی پبلک اسکول کے طلباء نے ناقابل فراموش قربانیاں دیں۔ قرارداد میں مطالبہ کیا گیا کہ ہنگو کوہاٹ روڈکو اعتزاز حسن کے نام سے منسوب اور نصاب تعلیم سے فرضی کہانیاں نکالی جائیں۔
