برلن کے اُو بر ایرینا میں سولڈ آؤٹ شو کے بعد عاطف اسلم کو بڈی بیئر اعزاز سے نوازا گیا

پاکستان کے معروف گلوکار عاطف اسلم کو جرمنی کے شہر برلن میں واقع اُو بر ایرینا میں سولڈ آؤٹ کنسرٹ کے بعد برلن بڈی بیئر کے خصوصی اعزاز سے نوازا گیا ہے۔ یہ اعزاز ستمبر 2026 میں ہونے والے ان کے کنسرٹ کے بعد پیش کیا گیا۔

عالمی فنکاروں کی دیوار پر تصویر

یہ اعزاز اُو بر ایرینا کی اس دیوار پر عاطف اسلم کی تصویر کے ساتھ آویزاں کیا گیا ہے جہاں کئی نامور بین الاقوامی فنکاروں کی تصاویر موجود ہیں۔ ان میں کیٹی پیری، ریحانہ اور ٹومارو بائی ٹوگیدر جیسے بڑے نام شامل ہیں۔

عاطف اسلم نے سوشل میڈیا پر ایک ویڈیو شیئر کی جس میں یہ دیوار اور انہیں دیا گیا اعزاز دکھائی دے رہا ہے۔ اس موقع پر کئی نمایاں شخصیات نے گلوکار کو مبارکباد بھی دی۔

برلن بڈی بیئر کی روایت

برلن بڈی بیئر ستمبر 2008 سے اُو بر ایرینا میں پیش کیا جا رہا ہے۔ یہ اعزاز ان فنکاروں اور کھیلوں کی شخصیات کو دیا جاتا ہے جو اس مقام پر سولڈ آؤٹ یا خصوصی ایونٹس میں حصہ لیتے ہیں۔ اس بیئر کو برلن کی ثقافتی شناخت کا اہم حصہ سمجھا جاتا ہے۔

بین الاقوامی میوزک ٹور جاری

عاطف اسلم اس وقت ایک بین الاقوامی میوزک ٹور پر ہیں۔ ان کے کنسرٹس نومبر اور دسمبر میں فرانس اور متحدہ عرب امارات میں شیڈول ہیں۔

گلوکار نے رواں سال میوزک انڈسٹری میں واپسی کی اور 15 جون کو لندن کے O2 ایرینا میں اپنی پرفارمنس کے دوران ایک نئے میوزک پروجیکٹ کا اعلان کیا۔

نیا البم ’صبح آئے نہ‘

عاطف اسلم کا چوتھا اسٹوڈیو البم ’صبح آئے نہ‘ 31 جولائی 2026 کو ریلیز ہوا۔ یہ 2008 میں ریلیز ہونے والے ان کے البم ’میری کہانی‘ کے بعد پہلا مکمل اسٹوڈیو البم ہے۔

گزشتہ برس عاطف اسلم پاکستان کے سب سے زیادہ اسٹریم کیے جانے والے فنکاروں میں شامل رہے۔ مختلف پلیٹ فارمز پر ان کے میوزک کو تقریباً آٹھ ارب بار اسٹریم کیا گیا۔