اسلام آباد (ایس ایم.حسنین) طرابلس میں سفیر پاکستان راشد جاوید نے
جمہوریہ ترکی کے سفیر کینن یلمیز سے انکے دفتر میں خصوصی ملاقات کی.لیبیا میں قائم پاکستانی سفارتخانے کی جانب سے جاری بیان کے مطابق اس موقع پر دونوں سفراء نے باہمی دلچسپی کے امور پر تبادلہ خیال کیا۔ بیان میں کہا گیاکہ دونوں برادر ملکوں کے سفراء نے لیبیا کی موجودہ حوصلہ افزا صورتحال کا خیرمقدم کیا اور مستقبل میں دونوں ممالک کی جانب سے مل کر کردار ادا کرنے کے بارے میں بھی تبادلہ خیال کیا۔
اس موقع پر دونوں راہنمائوں کی ملاقات کے دوران ترک سفیر کے دفتر میں پاکستان اور ترکی کے پرچموں کے بجائے ترکی اور لیبیا کے پرچموں کے سامنے دونوں سفراء کی ملاقات کی تصویر جاری کی گئی جس پر پاکستانی سوشل میڈیا صارفین نے اسے سفارتی پروٹوکول کی
خلاف ورزی قراردیتے ہوئے اس پر سوالات اٹھا دئیے.
