اسلام آباد(ایس ایم حسنین) پاکستان اور چین کے مابین برادرانہ تعلقات اور لازوال دوستی پوری دنیا کیلئے ایک مثال ہے۔ یہ بات وزیر خارجہ مخدوم شاہ محمود قریشی نے پاکستان میں چین کے نئے سفیر نونگ رونگ سے بات چیت کرتے ہوئے کہی،انہوں نے جمعرات کو وزارتِ خارجہ میں ان سے ملاقات کی۔ ملاقات میں دو طرفہ تعلقات ،کرونا عالمی وبائی صورتحال سمیت باہمی دلچسپی کے امور پر تبادلہ خیال کیا گیا۔وزیر خارجہ نے چینی سفیر کو پاکستان آمد اور بطور سفیر منصب سنبھالنے پر مبارکباد دی اور کہا کہ آپ جیسے وسیع تجربے کی حامل شخصیت کی پاکستان میں تعیناتی سے اقتصادیات، انفراسٹرکچر سمیت کثیر الجہتی شعبہ جات میں دو طرفہ تعاون کو مزید فروغ ملے گا۔چینی سفیر نونگ رونگ نے وزیر خارجہ کا شکریہ ادا کرتے ہوئے،
اسلام آباد:وزیر خارجہ شاہ محمود قریشی سےچین کے نئے سفیر نونگ رونگ کی ملاقات
دو طرفہ تعلقات ،کورونا صورتحال اور اہم امور پر تبادلہ خیال
وزیر خارجہ شاہ محمود قریشی کی چینی سفیر کو نئی ذمہ داریوں پر مبارکباد@SMQureshiPTI @AmbNong pic.twitter.com/Y0JalHCGWL— PTV News (@PTVNewsOfficial) November 5, 2020
پاکستان اور چین کے مابین دوطرفہ تعلقات کو مزید مستحکم بنانے کیلئے اپنی تمام تر کاوشیں بروئے کار لانے کا یقین دلایا۔ شاہ محمود قریشی نے کہا کہ پاکستان اور چین کے مابین مثالی برادرانہ تعلقات اور لازوال دوستی کو پوری دنیا جانتی ہے۔دونوں ملکوں نے ہر مشکل اور کٹھن وقت میں ایک دوسرے کی بھرپور معاونت کی۔ شاہ محمود قریشی نے کہا کہ کورونا عالمی وبائی چیلنج سے نمٹنے کیلئے چین کی جانب سے فراہم کی جانے والی بروقت معاونت قابل تحسین ہے جس پر میں آپ کے توسط سے چینی قیادت کا شکریہ ادا کرتا ہوں۔حنان میں چینی وزیر خارجہ وانگ ژی کے ساتھ ہونیوالی ملاقات کا حوالہ دیتے ہوئے وزیر خارجہ نے کہا کہ دونوں ممالک کی قیادت سی پیک سمیت باہمی دلچسپی کے منصوبوں کو جلد پایہ ء تکمیل تک پہنچانے کیلئے پرعزم ہے۔ سی پیک کے دوسرے مرحلے کے تحت جاری تمام منصوبوں کی تیز تر تکمیل کو یقینی بنانے کے لئے اقدامات کیے جا رہے ہیں۔
