اسلام آباد(ایس ایم حسنین) پاک فوج کے سربراہ جنرل قمر جاوید باجوہ سے اسلام آباد میں پاکستان اور افغانستان کیلئے سوئٹزرلینڈ کے سفیر بینی ڈسٹ کرجاتھ نے ملاقات کی۔ ملاقات میں باہمی دلچسپی کے امور اور علاقائی سلامتی کی صورتحال پر تبادلہ خیال کیا گیا۔ پاک فوج کے شعبہ تعلقات عامہ کے مطابق ملاقات کے دوران سوئٹزرلینڈ کے سفیر نے دونوں ممالک کے مابین تعلقات کو سراہا اور اسے وسعت دینے پر زور دیا اور تعلقات کو مزید مضبوط بنانے کے عزم کو دہرایا۔ معزز مہمان نے خطہ میں تنازعات کے حل کیلئے پاکستان کی کوششوں کو سراہا۔
