اسلام آباد(ایس ایم حسنین) قطر کے دارالحکومت دوحہ کے ائرپورٹ پرہنگامی صورتحال کے باعث بین الاقوامی پروازوں کے رخ موڑ دیے گئے۔ قطر ایئرویز کے آفیشل ٹویٹر اکائونٹ کے ذریعے ملنے والی اطلاع کے مطابق دوحہ ایئر پورٹ پر ایک مالبردار جہاز کی ایمرجنسی لینڈنگ کے باعث چند پروازوں نے جو قطر کے دوحہ ایئرپورٹ پر لینڈ کرنے والی تھیں، نے اپنا رُخ بدل لیا۔پیر کی صبح مالبردار جہاز بی 747ایف نے کسی تکنیکی خرابی کے سبب پرواز بھرتے ہی ہنگامی صورتحال کا اعلان کیا اور فوری طور پر طیارہ لینڈ کر گیا۔ تاہم یہ لینڈنگ مکمل محفوظ طریقے سے عمل میں آئی۔ اس واقعے کے پیش آنے کے بعد سے اب تک چند پروازوں نے جو قطر کے دوحہ ایئرپورٹ پر لینڈ کرنے والی تھیں، نے اپنا رُخ بدل لیا۔ تا حال اس بارے میں مزید تفصیلات سامنے نہیں آئی ہیں۔ کارگو طیاروں میں عموماً کوئی مسافر سوار نہیں ہوتا۔
