اسلام آباد(یس اردو نیوز)دفترخارجہ پاکستان نے جاپان میں سیلاب سے قیمتی جانوں کے ضیاع پر گہرے رنج وغم کا اظہار کرتے ہوئے جاپان کے عوام کے ساتھ اظہار یکجہتی اورمتاثرہ خانداندوں کی جلد بحالی کی دعا کی۔ ترجمان دفتر خارجہ عائشہ فاروقی نے اپنے ٹوئٹر پیغام میں جاپان میں شدید سیلاب کے باعث قیمتی جانوں کے ضیاع پر افسس کا اظہار کیا اور سیلاب کے باعث لاپتہ ہونے والے افراد کی جلد تلاش کےلئے دعا کی۔ ترجمان نے کہا کہ پاکستان اپنے پرعزم جاپانی دوستوں کے ساتھ یکجہتی کا اظہار کرتا ہے اور اس مشکل وقت میں جاپانی حکومت اورعوام کے ساتھ کھڑے ہیں ۔
جاپان میں سیلاب پر ترجمان دفترخارجہ کا اظہار افسوس
