پیرس، سفارتکاری کے افق پرجگمگاتا آفتاب چین کے افق پرطلوع ہوگا، سفیر پاکستان فرانس معین الحق کو عوامی جمہوریہ چین میں ذمہ داریاں تفویض کیے جانے پر نیک خواہشات اوردلی مبارکباد، قاری فاروق احمد گورسی
پیرس(نمائندہ خصوصی) پاکستان پیپلز پارٹی پنجاب کونسل کے ممبرایگزیکٹو اور فرانس کی معروف سیاسی وسماجی شخصیت قاری فاروق احمد گورسی نے سفیر پاکستان فرانس معین الحق کو پاکستان کے اہم ترین تزویراتی دوست ملک چین میں نئی سفارتی ذمہ داریاں تفویض کیے جانے پر انھیں خراج تحسین پیش کیا ہے اور کہا ہے کہ معین الحق بلاشبہ سفارتکاری کے افق پر چمکتا دمکتا آفتاب ہیں انھوں نے جس طرح حب الوطنی کو سفارتکاری میں ڈھالا وہ انتہائی دل کش ہے۔
انھوں نے کہا کہ بلاشبہ پاکستانی کمیونٹی ان پر فخر کرتی ہے ہم انھیں عوامی جمہوریہ چین جوکہ پاکستان کا اہم ترین تزویراتی دوست سٹریٹجک پارٹنر اور لازوال دوست ملک ہے میں سفارتی ذمہ داریاں سنبھالنے پر نیک خواہشات اور دلی دعائوں کا پیغا دیتے ہیں۔ اللہ تعالیٰ انھیں اگلی منزل میں بھی اس سے کہیں زیادہ بڑھ کر سرخرو فرمائیں ۔الہی آمین
