قومی یکجہتی کو بہت بڑا نقصان، تاریخ کے نازک موڑ پر وزیراعظم عمران خان کے اقدام پرانکے انتہائی قریب سمجھے جانے والے بھی چیخ پڑے
اسلام آباد(مانیٹرنگ رپورٹ) وزیراعظم پاکستان عمران خان گزشتہ روز حکومت کی جانب سے بلائی گئی اے پی سی میں شریک ہوئے جہاں کرونا ایمرجنسی کیخلاف قومی اتحاد کے ایجنڈے پر بحث ہونی تھی مگر صورتحال اس وقت اچانک انتہائی گھمبیر ہوگئی جب وزیراعظم اپنی ابتدائی تقریر کے بعد بحث چھوڑ کر روانہ ہوگئے۔
وزیراعظم کے اقدام پر اپوزیشن لیڈر شہباز شریف اورچیئرمین پاکستان پیپلز پارٹی بلاول بھٹو زرداری نے بھی واک آئوٹ کا اعلان کردیا ۔ وزیراعظم کے اس اقدام پر فوری طور پر قومی سطح پر ایک پریشانی کی لہر دوڑ گئی ۔ بہت سے میڈیا چینلز نے وزیراعظم کے اقدام پر ملا جلا ردعمل دیالیکن سینئر صحافیوں اورتجزیہ نگاروں نے وزیراعظم کے عمل پر ناپسندیدگی کا اظہار کیا اور اسے قومی نقصان کا سبب قرار دیا۔
سینئر اینکر پرسن اورتجزیہ نگار کامران خان نے اپنے پروگرام میں وزیراعظم کی اس غرور سے لبریز غلطی کو تاریخ میں اہم قرار دے دیا ان کے اس پروگرام پر سوشل میڈیا پر بہت سے کمنٹس کیے گئے جس میں ایک صارف کا کہنا تھا کہ شاید اب امپائر ریویو لینا بھی چاہے گا۔
وزیراعظم کے حامیوں نے ان کے حق میں بہت کچھ کہا مگرنیوٹرل صارفین نے وزیراعظم کی وجہ سے قومی اتحاد کیلئے بلائی گئی اے پی سی میں بدمزگی کو قومی نقصان سے تعبیر کیا۔
شدید افسوس ہوا کل عمران خان نے قوی اتحاد کا نادر موقع گنوا دیا جب اسپیکر قومی اسمبلی کی دعوت پر کل جماعتی کانفرنس میں اپنی تقریر کر کے نکل گئے شہباز شریف بلاول بھٹو منہ دیکھتے رہ گئے تاریخ عمران خان کی غرور سے لبریز اس غلطی کو کبھی نہیں بھولے گی
https://www.facebook.com/dunyakamrankhankaysaath/videos/238596737275427/
پاکستان میں کورونا مریض کی تعداد1ہزار سے تجاوز کرگئی۔۔۔مگر!
قومی اتحاد ٹائیں ٹائیں فش!
کورونا پر سیاسی قیادت کا اجلاس بلایا!
عمران خان نے اپنی تقریر کی اور چلے گئے!
شہباز شریف، بلاول منہ دیکھتے رہ گئے!
قومی اتحاد کا نادر موقع ضائع ہوگیا!
افسوس صد افسوس صد افسوس!
