اسلام آباد ( ،اصغر علی مبارک سے ) جنگ اور جیونیوز کے ایڈیٹر انچیف میرشکیل الرحمان کی قومی احتساب بیورو (نیب) لاہور کے ہاتھوں گرفتاری ، جیونیوز کی بندش اورکیبل پر آخری نمبروں پر دھکیلنے کے خلاف ملک بھر میں احتجاج کیا جارہا ہے۔میر شکیل الرحمان کی نیب کے ہاتھوں گرفتاری کے خلاف اسلام آباد میں بڑا احتجاجی مظاہرہ کیا گیا جس میں پاکستان مسلم لیگ (ن) اور پیپلزپارٹی کے رہنما بھی پہنچ گئے۔اسلام آباد میں جنگ جیو گروپ کے میڈیا ورکرز کے ساتھ اظہار یک جہتی کے لئے راولپنڈی کرائم کورٹ اینڈ سٹی جرنلسٹ ایسوسی ایشن نے صدر شاہد ملک صاحب ان کے دفتر کے باہر مظاہرے میں شرکت کی اور میڈیا ورکرز کے ساتھ یکجہہتی کے لیے ڈی چوک تک ریلی میں شرکت کی احتجاج میں آر آئی یو جے کے صدر عامر سجاد سید سیکرٹری جنرل آصف علی بھٹی شکیل انجم حامد میر مسلم لیگ ن کی رہنما مریم اورنگزیب نے بھی خصوصی شرکت کی اور جنگ جیو کی بندش کے ظالمانہ اقدام کی مزمت کی اس موقع پر پاکستان مسلم لیگ(ن) کی ترجمان مریم اورنگزیب کا کہنا تھا کہ حکومت کی جانب سے میڈیا کو دبایا جارہا ہے،میر شکیل الرحمان کی گرفتاری آزادی صحافت پر آخری حملہ ہے۔.پیپلز پارٹی کے رہنما فرحت اللہ بابر نے کہا کہ صحافت پر مختلف طریقوں سے حملے ہورہے ہیں،میڈیا کی آزادی کی یہ جنگ ہم سب کی ہے۔
ان کا کہنا تھا کہ صحافیوں کا معاشی قتل کیا گیا ہے جب کہ جیوکی مختلف علاقوں میں نشریات بند کردی گئی ہیں۔
جنرل سیکرٹری ہیومن رائٹس کمیشن کا کہنا تھا کہ نیب کی گرفتاری قانون اور آئین سے بالاتر ہے۔
سینیئر صحافی حامد میر کا کہنا تھا کہ ایمنسٹی انٹرنیشنل نے بھی میر شکیل الرحمان کو گرفتار کرنے کی مذمت کی ہے۔
