لاہور (ویب ڈیسک ) سینئر تجزیہ کار مبشر لقمان نے دعویٰ کیا ہے کہ سعودی ولی عہد محمد بن سلمان کرونا وائرس کا شکار ہیں جو امریکی ہسپتال میں زیر علاج ہیں، مبشر لقمان کا کہنا ہے کہ سعودی شہزادے محمد بن سلمان جب سے حکومت میں آئے سعودی عرب میں کافی تبدیلیاں دیکھنے کو ملیں ۔
انہوں نے خواتین کو گاڑی چلانے کی اجازت دی، سینماز کھولے جس کے باعث روایتی سوچ کے مالک افراد محمد بن سلمان کے خلاف ہو گئے ، مبشر لقمان کا کہنا ہے کہ بغاوت کے الزم میں تین لوگوں کو گرفتار کیا گیا ہے جس میں محمد بن سلمان کے چھوٹے بھائی بھی شامل ہیں ۔اس سے قبل بھی سعودی عرب کے کچھ بزنس مین گرفتار کئے گئے تھے جس میں ولید بن سلمان بھی شامل تھے ۔ ان سے بہت بڑی رقم وصول کی گئی تھی۔جس کے بعد اب بزنس مین بھی محمد بن سلمان کیخلاف ہو چکے ہیں۔ مبشر لقمان نے کہا کہ افواہیں زیر گردش ہیں کہ محمد بن سلمان کرونا وائرس کا شکار ہیں اور امریکی ہسپتال میں زیر علاج ہیں ۔ سعودی حکومت میں بغاوت کے حوالے سے ان کا کہنا تھا کہ باغیوں کا پلان یہ تھا کہ شہزادہ محمد بن سلمان کی حکومت گرانے کے بعد نماز جمعہ کے موقع پر خانہ کعبہ میں حکومت کا اعلان کریں گے۔جس کے باعث خانہ کعبہ میں طواف بند کر دیا گیا تھا ۔سب جانتے ہیں کہ جب سعودیہ عرب میں کوئی بغاوت کرتا ہے تو اس کے ساتھ کیا کیا جاتا ہے ۔ تجزیہ کا رکا کہنا ہے کہ عالمی میڈیا پر یہی بتایا جا رہا ہے کہ سعودی شہزادہ محمد بن سلمان کرونا وائرس کا شکار ہیں اور امریکی ہسپتال میں زیر علاج ہیں۔ واضح رہے اب تک کل 20 سعودی شہزادے گرفتار کیے جا چکے، صرف 4 کے نام ظاہر کیے گئے، کارروائیوں کو 2017 کی انسداد بدعنوانی مہم سے زیادہ بڑا آپریشن قرار دیا جا رہا ہے۔تفخلیجی خبر رساں ادارے مڈل ایسٹ آئی کی جانب سے شائع کردہ رپورٹ میں دعویٰ کیا گیا کہ سعودی ولی عہد محمد بن سلمان کو مبینہ طور پر اب تک کی سب سے بڑی بغاوت کا سامنا کرنا پڑا ہے۔ بتایا گیا ہے کہ سعودی شاہی خاندان کے افراد کیخلاف شروع کیے گئے آپریشن میں اب تک 20 شہزادے گرفتار کیے جا چکے ہیں، تاہم گرفتار افراد میں سے صرف 4 کا ہی نام ظاہر کیا گیا۔
