لاہور: (یس اردو نیوز) رانا ثناء اللہ نے حکومتی خط کو سیاسی شعبدہ بازی قرار دیتے ہوئے کہا ہے کہ حکومت اگر برطانیہ کو خط لکھے گی تو اس کی کوئی اہمیت نہیں ہوگی۔
نجی ٹی وی کے پروگرام میں گفتگو کرتے ہوئے ان کا کہنا تھا کہ سابق وزیراعظم نواز شریف کی ضمانت کے لیے دوبارہ ہائی کورٹ سے رجوع کیا جائے گا۔
https://www.yesurdu.com/?p=1101356
ایک سوال کا جواب دیتے ہوئے ان کا کہنا تھا کہ لندن میں ڈاکٹر اپنی مرضی سے علاج کرتے ہیں۔ واپسی کا فیصلہ میاں صاحب ہی کریں گے۔
خیال رہے کہ معاون خصوصی فردوس عاشق اعوان نے کہا ہے کہ نواز شریف کی واپسی کا وقت آ پہنچا، اگلے ہفتے ڈی پورٹ کرانے کے لیے برطانوی حکومت کو خط لکھیں گے۔
بعد ازاں سیالکوٹ میں ایک جلسے سے خطاب میں ان کا کہنا تھا کہ عوامی وسائل پر پلنے والا خاندان عدالتوں سے بیماری کی آڑ میں علاج کے لیے گیا لیکن ابھی تک ہسپتال میں داخل نہیں ہوئے۔
https://www.yesurdu.com/?p=1101343
فردوس عاشق اعوان کا کہنا تھا کہ پلیٹ لیٹس کا واویلا آخر میں ان کی کلچ پلیٹ پر ختم ہوا۔ پلیٹ لیٹس ٹھیک کراتے کراتے (ن) لیگ کی اپنی کلچ پلیٹیں جواب دے گئی ہیں۔
