لاہور (نیوز ڈیسک) سینئر دفاعی تجزیہ کار جنرل (ر) امجدشعیب نے کہا ہے کہ وزیراعظم عمران خان نے کئی بار ٹیم بدلی ہے ، وزیراعظم عمران خان کیپٹن بدل کر دیکھ لے شاید تبدیلی آجائے۔ تفصیلات کے مطابق جنرل (ر) امجد شعیب نے نجی ٹی وی پر گفتگو کرتے ہوئے کہا ہے کہ و زیراعظم عمران خان کو ٹیم بدلنے کے بجائے ۔کیپٹن بدلیں تو شاید کوئی تبدیلی آ جائے۔
واضح رہے اس سے قبل بھی وزیر اعلیٰ پنجاب کی تبدیلی کے حوالے سے خبریں سر گرم رہی ہیں تاہم عمران خان کے حالیہ دورہ لاہور پر بیورو کریسی میں بڑی تبدیلیاں کی گئی جس میں آئی جی پنجاب ،سی سی پی او سمیت ڈی آئی دی آپریشن کو بھی تبدیل کر دیا تھا ۔
تاہم عمران خان کا کہنا تھا کہ پنجاب کے وزیر اعلیٰ عثمان بزدار ہی رہے گے۔ جس پر عمران خان کو سینئر تجزیہ کاروں کی جانب سے تنقید کا نشانہ بھی بنایا گیا ۔ یاد رہےسابق ترجمان وزیراعلیٰ شہباز گل نے بطور ترجمان یہ بیان بھی دیا تھا کہ جس کو عثمان بزدار کی شکل پسند نہیں وہ تحریک انصاف چھوڑ دے۔ عثمان بزدار کو 5سال کیلئے وزیر اعلیٰ بنایا گیا ہے۔
اور عثمان بزدار پانچ سال پورے کریں گے۔ تاہم کئی تحریک انصاف کے رہنماوں سمیت اتحادی بھی عثمان بزدار سے نا خوش نظر آتے ہیں ، اسی لئے امید کی جا رہی تھی کہ عمران خان کے دورہ لاہور کے دوران عثمان بزدار کو وزیراعلیٰ کی کرسی سے ہٹا دیا جائے گا ،تا ہم ایسا نہ ہو سکتا، تاہم تجزیہ کاروں کی جانب وزیراعلیٰ عثمان بزدار کو عہدے نہ ہٹانے پر تنقید کا نشانہ بنایا جا رہا ہے۔
