اسلام آباد: آصف زرداری اور مولانا فضل الرحمان کے درمیان حکومت کے خلاف میدان میں آنے کی تیاریاں تیز کرنے پر اتفاق ہو گیا۔
ذرائع کے مطابق پیپلز پارٹی کے صدر آصف زرداری اور جے یو آئی (ف) کے سربراہ مولانا فضل الرحمان کے درمیان گزشتہ رات ملاقات ہوئی جس میں حکومت مخالف تحریک پر تبادلہ خیال کیا گیا جب کہ اس موقع پر آئی ایم ایف اور دیگر قومی مسائل پر بھی بات چیت کی گئی۔ ذرائع نے بتایا کہ دونوں رہنماوں نے تمام سیاسی قوتوں کو یکجا کرنے اور دیگر سیاسی جماعتوں سے رابطے جاری رکھنے پر اتفاق کیا۔ ذرائع کے مطابق آصف زرداری اور مولانا فضل الرحمان میں اتفاق ہوا کہ عوام مہنگائی کے ہاتھوں تنگ آگئے ہیں۔ ذرائع نے مزید بتایا کہ دونوں رہنماؤں کے درمیان حکومت کے خلاف میدان میں آنے کی تیاریاں تیز کرنے پر بھی اتفاق ہوا جس میں طے پایا کہ عید کے بعد اسلام آباد کی طرف مارچ کی حکمت عملی پر غور کیا جائے گا۔ ذرائع کے مطابق دونوں رہنماوں نے مؤثر ایجنڈا لے کر عوام کے پاس جانے کا فیصلہ کیا۔
ذرائع کا کہنا ہے کہ مطابق سابق صدر آصف زرداری جے یو آئی کے سربراہ مولانا فضل الرحمان سے ملاقات کرنے ان کی رہائشگاہ پر پہنچ گئے ، مولانا فضل الرحمان نے آصف زرداری کا استقبال کیا ۔ ملاقات میں ملک کی سیاسی صورتحال پر تبادلہ خیال کیا ، اس موقع پر آصف زرداری نے مولانافضل الرحمان کوعمرے کی ادائیگی پر مبارکباد دی ۔ آئی ایم ایف اوردیگر ملکی معاملات پربات ہوئی ، دونوں رہنماﺅں نے دیگر سیاسی جماعتوں سے رابطے جاری رکھنے پر اتفاق کیا اور کہا کہ عوام مہنگائی کے ہاتھوں تنگ آگئے ہیں، ملاقات میں عید کے بعد اسلام آباد کی طرف مارچ پربھی غور کیا گیا جبکہ یہ فیصلہ کیا گیا کہ موثر ایجنڈا لیکر عوام کے پاس جایا جائے گا ۔
