ممبئی (ویب ڈیسک) بھارتی ٹی وی چینل پر شروع ہونے والے متنازع ریئلٹی ٹی وی شو ‘بگ باس 12‘ کا اختتام ابھی ہونا باقی ہے، تاہم اس شو میں شرکت کرکے سب سے زیادہ شہرت حاصل کرنے والی جوڑی اس شو سے باہر ہوگئی،، بھارتی گلوکارانوپ جلوتا کے اپنی جوان شاگردہ نے پروگرام میں کہی سب متنازعہ باتوں سے انکار کر دیا ہے،، اس شو میں رواں برس ’جوڑی‘ کی تھیم رکھی گئی تھی، جس کے تحت کئی افراد جوڑوں کی صورت میں شامل ہوئے تھے ،، اور ان جوڑوں میں 65 سالہ بھجن گلوکار انوپ جلوتا اور ان کی 28 سالہ شاگرد جیسلین میتھیو بھی شامل تھی،، انہوں نے پہلے ہی پروگرام میں انکشاف کیا تھا کہ ان دونوں کے جسمانی تعلقات ہیں اور دونوں شادی کا ارادہ بھی رکھتے ہیں،، پہلے ہی پروگرام میں ایک عمر رسیدہ استاد اور اس کی کم عمر طالبہ کے تعلقات کی خبر سامنے آتے ہی وائرل ہوگئی تھی اور دونوں راتوں رات مشہور ہوگئے تھے،، تاہم بعد ازاں 29 اکتوبر کو اس جوڑی کے اہم رکن 65 سالہ انوپ جلوتا کو شو سے نکال دیا گیا تھا اور انہوں نے شو سے باہر آتے ہی اندر شو میں کہی گئی باتوں سے انکار کیا تھا،، اور اب ان کی جوڑی دار 28 سالہ جیسلین میتھیو کو بھی شو سے نکال دیا گیا اور انہوں نے بھی شو کے اندر کہی گئی باتوں کو تسلیم کرنے سے انکار کردیا،، جیسلین میتھیو نے وضاحت کی کہ چوں کہ پروگرام کی تھیم ہی جوڑی تھی، اس لیے وہ اپنے استاد کے ساتھ پروگرام میں شریک ہوئیں اور انہوں نے پہلے پروگرام میں صرف یہ کہا تھا کہ وہ اپنے 67 سالہ استاد سے 3 سال سے تعلقات میں ہیں،
بگ باس کی معروف ترین جوڑی: 65 سالہ بھارتی گلوکارانوپ جلوتا کے اپنی شاگرد لڑکی کے ساتھ جسمانی تعلقات ؟ حقیقت سامنے آگئی
