رحیم یارخان (ویب ڈیسک)پسند کی شادی پر والدین کی ناراضگی اور خاندانوں میں دشمنی کی خبریںتو اکثر میڈیا کی زینت بنتی رہتی ہیں تاہم اب ایک ایسا واقعہ پیش آ گیاہے جس میں لڑکی نے بے وفائی کا ایسا بدلہ لے ڈالا ہے کہ سن کر ہی کئی افراد کے پیروں تلے زمین نکل جائے گی۔تفصیلات کے مطابق بات دراصل کچھ یوں شروع ہوئی کہ طاہر نامی لڑکے نے 2012 میں روبینہ نامی لڑکی کے ساتھ منگنی کر لی اور یہ منگنی چار سال تک قائم رہی لیکن لڑکی کو اچانک معلوم ہوا کہ لڑکے کی جانب سے منگنی توڑ دی گئی ہے اور اس نے کسی اور لڑکی کے ساتھ شادی کر لی ہے ۔ لڑکے نے 2016 میں منگنی توڑ کر عفت نامی لڑکی سے شادی کر لی تھی ۔ جب لڑکی کو یہ بات معلوم ہوئی تو وہ مشتعل ہو گئی اور اپنے غصے پر قابو نہ رکھ سکی اس نے پلان بنایا اور پھر اپنے اس پلان میں اپنے کزن کو بھی شامل کیا ۔وہ لڑکی اپنے کزن کو لے کر اپنے سابق منگیتر کے گھر پہنچ گئی جہاں اس نے دھاوا بول دیا اور چھریوں کے وار کر کے لڑکے کے والدین کو شدید زخمی کر دیا جبکہ زخمی ہونے والوں میں عفت بھی شامل تھی جنہیں ہسپتال منتقل کر دیا گیا ہے اور طبی امداد دی جارہی ہے ۔ ڈاکٹر ز کا کہناہے کہ تمام افراد کی حالت خطرے سے باہر ہے اور وہ جلد ہی ہسپتال سے ڈسچارج ہو جائیں گے ۔ دوسری جانب پولیس نے بھی کارروائی کرتے ہوئے لڑکی کو اپنی حراست میں لے لیا ہے اور مقدمہ درج کرتے ہوئے کارروائی کا آغاز کر دیا ہے ۔
منگنی توڑکر کسی اور لڑکی سے شادی کرنے پر لڑکی مشتعل ،لڑکے کے گھر پر دھاوا بول دیا
