حکومت کی جانب سے زمبابوے کو دورہ پاکستان کی باضابطہ دعوت
سفارشات اپنے وزیراعظم کے سامنے رکھتے ہوئے ٹیم بھیجنے پر غور کریں گے،چیئرمین زمبابوے کرکٹ بورڈ . فوٹو : اے پی پی
لاہور: حکومت کی جانب سے زمبابوے کو دورہ پاکستان کی باضابطہ دعوت دیدی گئی۔
وفاقی وزیر برائے بین الصوبائی رابطہ امور ریاض پیرزادہ سے اسپورٹس کمپلیکس اسلام آباد میں زمبابوین وزیر کھیل ماخوسینی ہلونگ وین نے ملاقات کی، اس دوران زمبابوین کرکٹ ٹیم کو پاکستان کا دورہ کرنے کی باضابطہ دعوت دیدی گئی، جواب میں مہمان عہدیدار نے پیش رفت کی یقین دہانی کرادی، کرکٹ بورڈ کے چیئرمین ٹوینگوا مخلانی کا کہنا ہے کہ سفارشات اپنے وزیراعظم کے سامنے رکھتے ہوئے ٹیم بھیجنے پر غور کریں گے۔
اس خبر کو بھی پڑھیں :انٹرنیشنل کرکٹ؛ پی ایس ایل کی چابی سے بند دروازے کھولنا دشوار
