عظیم بھارتی بلے باز سچن ٹنڈولکر اور ٹینس کے عظیم ترین کھلاڑی راجر فیڈرر بہترین دوست تصور کیے جاتے ہیں اور عالمی شہرت یافتہ بھارتی بلے باز اپنے دوست فیڈرر کی کرکٹ کی صلاحیتوں کے بھی معترف ہیں۔
دونوں کھلاڑی ایک دوسرے کو سراہنے کا کوئی موقع ہاتھ سے نہیں جانے دیتے، ٹنڈولکر تو کرکٹ سے ریٹائر ہو چکے ہیں لیکن فیڈرر کا کیریئر عمر بڑھنے کے ساتھ ساتھ مزید طوالت اختیار کرتا جا رہا ہے اور ٹنڈولکر اپنے دوست کے کھیل کو بھرپور انداز میں سراہتے ہیں۔
راجر فیڈرر ان دنوں سال کے سب سے بڑے گرینڈ سلیم ومبلڈن اوپن میں مصروف ہیں اور دفاعی چیمپیئن عمدہ کھیل کا مظاہرہ کرتے کوارٹر فائنل میں پہنچ چکے ہیں۔
As always, great hand-eye co-ordination. @rogerfederer, let’s exchange notes on cricket and tennis after you win your 9th @Wimbledon title 😜👍 https://t.co/2TNUHGn1zK
— Sachin Tendulkar (@sachin_rt) July 10, 2018
تاہم پری کوارٹر فائنل میچ میں ایڈرین منارینو کے خلاف میچ میں فیڈرر نے ایک شاٹ کھیلا جس پر ٹنڈولکر ٹوئٹ کیے بغیر نہ رہ سکے۔
فیڈرر کا شاٹ کورٹ کے باہر گرنے کے باعث منارینو کو پہلے ہی پوائنٹ مل چکا تھا اور جب ان کے حریف نے ان کی جانب گیند واپس پھینکی تو اس موقع پر انہوں نے خوبصورت دفاعی شاٹ کھیل کر گیند کو بال بوائے کی جانب کھیل دیا۔
Ratings for @rogerfederer's forward defence, @ICC?#Wimbledon pic.twitter.com/VVAt2wHPa4
— Wimbledon (@Wimbledon) July 9, 2018
بھارتی بلے باز نے اس شاٹ کی ویڈیو شیئر کرتے ہوئے لکھا کہ ہمیشہ کی طرح ہاتھ اور آنکھ کا بہترین امتزاج اور راجر فیڈرر کو مخاطب کرتے ہوئے کہا کہ جب آپ 9 واں گرینڈ سلیم جیت لیں گے تو ہم ٹینس اور کرکٹ پر نوٹس آپس میں شیئر کریں گے۔
ومبلڈن نے بھی اس ٹوئٹ کا نوٹس لیا اور انٹرنیشنل کرکٹ کونسل(آئی سی سی) کو ٹیگ کرتے ہوئے پوچھا کہ ‘اس بہترین فارورڈ دفاعی شاٹ پر فیڈرر کو کتنی ریٹنگ دی جانی چاہیے۔
Ratings for @rogerfederer's forward defence, @ICC?#Wimbledon pic.twitter.com/VVAt2wHPa4
— Wimbledon (@Wimbledon) July 9, 2018
آئی سی سی نے بھی ٹینس کے سب سے بڑے گرینڈ سلیم کے ٹوئٹ کا جواب دیتے ہوئے ایک تصویر شیئر کی جس میں سوئس اسٹار کو عالمی نمبر ایک بلے باز قرار دیا گیا۔
دفاعی چیمپیئن راجر فیڈر کا کوارٹر فائنل میں جنوبی افریقہ کے کیون اینڈرسن سے مقابلہ ہو گا۔
