پیسر نے کہا کہ پاکستانی پرستاروں کی توقعات بہت زیادہ اور اس وجہ سے کارکردگی متاثر بھی ہوتی ہے، ذاتی طور پر سمجھتا ہوں کہ اسپاٹ فکسنگ کیس کے بعد بطور کرکٹر اور انسان زیادہ پختہ ہوگیا اور اب دباؤ برداشت کرنے کی بہتر صلاحیت رکھتا ہوں،میں کوشش کرتا ہوں کہ توقعات سے گھبرانے کے بجائے ان کو کارکردگی دکھانے کیلیے بطور تحریک لوں، محمد عامر نے کہا کہ ٹیم کیلیے بطور آل راؤنڈر کارکردگی دکھانے کی خواہش ہے،بیٹنگ میں بہتری لانے کی کوششیں کامیاب بھی ہورہی ہیں۔ ایک سوال پر عامر نے کہا کہ5سال میں کرکٹ خاصی تبدیل ہوگئی، پیسرز کو سوئنگ کم مل رہی ہے، بیٹسمین غیر روایتی اسٹروکس کھیلنے میں مہارت حاصل کرچکے ہیں، محدود اوورز کے میچز میں رنز کا سیلاب روکنا آسان نہیں رہا۔