۔ یہ تصاویر ایک مذہبی پروگرام کی شوٹنگ کے دوران کھینچی گئی

لاہور: (ویب ڈیسک) معروف پاکستانی اداکارہ نور نے حجاب اوڑھنا شروع کر دیا ہے۔ ان کی شخصیت میں حیرت انگیز تبدیلی کی نئی تصاویر جیسے ہی سوشل میڈیا پر آئیں، ان کے مداحوں نے انھیں خوب سراہا اور پسندیدگی کا اظہار کیا۔ میڈیا رپورٹس کے مطابق یہ تصاویر ایک مذہبی پروگرام کی شوٹنگ کے دوران کھینچی گئی ہیں۔ خیال رہے کہ اداکارہ نور نے کچھ روز قبل اعلان کیا تھا کہ وہ شوبز کو خیر باد کہہ رہی ہیں اور اب صرف دینی پروگراموں میں ہی نظر آئیں گی۔ سوشل میڈیا پر یہ تصاویر شیئر ہوتے ہی وائرل ہو چکی ہیں اور انھیں ہزاروں لوگوں کی جانب سے پسند کیا گیا ہے۔

خیال رہے کہ کچھ عرصہ قبل ہی اداکارہ نور نے اپنے سابق شوہر ولی حامد خان سے علیحدگی اختیار کر لی تھی اور شوبز چھوڑنے کا اعلان کر دیا تھا۔ ایک انٹرویو میں اداکارہ نور کا کہنا تھا کہ میری زندگی میں اب ایک نیا موڑ آچکا ہے اور اسی لیے میں نے شوبز سے دوری اختیار کر لی ہے۔خیال رہے کہ اداکارہ نور نے پہلی شادی 2008ء میں دبئی کے ہندو تاجر وکرم سے کی جو 2010ء میں ختم ہو گئی۔ نور نے اسی سال فلم ڈائریکٹر فاروق مینگل سے دوسری شادی کی جو صرف 4 ماہ چل سکی اور راہیں جدا ہو گئیں۔ نور نے تیسری شادی عون چودھری Adv:

سے کی لیکن یہ شادی بھی طلاق پر ہی ختم ہوئی۔ 3 شادیوں کی ناکامی کے بعد نور نے 2015ء میں ساتھی اداکار ولی حامد سے چوتھی شادی کی جو بالاخر علیحدگی پر ختم ہوئی۔