لاہور(ویب ڈیسک) مریم نواز نے اپنے والد نواز شریف سے ہفتے میں دوروز ملاقات کے لیے ہائی کورٹ میں درخواست دائر کردی ۔مریم نواز کی جانب سے دائر کی گئی درخواست میں موقف اختیار کیا گیا ہے کہ نواز شریف دل سمیت متعدد عارضوں میں مبتلا ہیں، حکومت پنجاب کی جانب سے نواز شریف سے ہفتے میں صرف ایک روز ملنے کی اجازت ہے۔ اس کے علاوہ نواز شریف سے کارکنوں اور پارلیمنٹرینز کی ملاقات پر بھی پابندی عائد کر دی گئی ہے، جیل حکام کی جانب سے پابندیاں خلاف قانون اور غیر آئینی ہیں۔درخواست میں اپیل کی گئی ہے کہ نواز شریف سے ہفتے میں ایک کے بجائے دوروز ملاقات کرانے کا حکم دیا جائے اور نواز شریف سے کارکنوں اور پارلیمنٹرینز کی ملاقات پر بھی پابندی ختم کی جائے۔جبکہ دوسری جانب ایک خبر کے مطابق وزیر اعلی پنجاب عثمان بزدار کی اڑھائی کروڑ روپے مالیت کی جائیداد ہے،عثمان بزدار کے پاس 24 لاکھ روپے مالیت کے 3 ٹریکٹر،38 لاکھ کی 2 گاڑیاں اور 13 لاکھ مالیت کا سونا ہے،اسپیکر پنجاب اسمبلی چوہدری پرویز الہی 18 کروڑ 29 لاکھ روپے سے زائد مالیت کے اثاثوں کے مالک ہیں،تحریک انصاف کے علیم خان ارب پتی نکلے،علیم خان 1 ارب 65 کروڑ 78 لاکھ روپے سے زائد مالیت کے اثاثوں کے مالک ہیں ،علیم خان 71 کروڑ 67 لاکھ روپے سے زائد کا قرض لے رکھا ہے،تحریک انصاف کے امجد محمود چوہدری بھی ارب پتی نکلے،امجد محمود کے اثاثوں کی مالیت 1 ارب 6 کروڑ سے زائد ہے،امجد محمود چوہدری 11 گاڑیوں اور ایک موٹر سائیکل کے بھی مالک ہیں،امجد محمود چوہدری کوٹ ادو پاور پلانٹ،اٹک آئل ریفائنری اور پاک آئل فیلڈ سمیت سوئی ناردرن کے بھی شیئر ہولڈر ہیں۔ پنجاب اسمبلی میں اپوزیشن لیڈر حمزہ شہباز 41 کروڑ 97 لاکھ روپے مالیت کے اثاثوں کے مالک ہیں،صوبائی وزیر میاں محمود الرشید 19 کروڑ 95 لاکھ روپے مالیت کے اثاثوں کے مالک ہیں،صوبائی وزیر قانون پنجاب راجا بشارت 2کروڑ 93 لاکھ مالیت کے اثاثوں کے مالک ہیں،راجا بشارت نے بینک سے ایک گاڑی لیز پر بھی لے رکھی ہے،وزیراطلاعات پنجاب سید صمصام بخاری کے 16 کروڑ 86 لاکھ روپے مالیت کے اثاثوں کے مالک ہیں۔ غلام سرور خان کے بھتیجے عمار صدیق خان 61 کروڑ 40 لاکھ کے اثاثوں کے مالک ہیں،صوبائی وزیر راجا راشد حفیظ 10 کروڑ روپے سے زائد اثاثوں کے مالک ہیں،صوبائی وزیر صحت یاسمین راشد 2 کروڑ سے زائد مالیت کے اثاثوں کی مالک ہیں ،فیض الحسن چوہان ڈیڑھ کروڑ مالیت کے اثاثوں کے مالک ہیں ،جگنو محسن کے پاس 47 کروڑ روپے سے زائد مالیت کے اثاثے ہیں،جگنو محسن نے اپنے خاوند نجم سیٹھی کے بھی 19 کروڑ روپے سے زائد مالیت کے اثاثے ظاہر کیے۔ خواجہ سلمان رفیق 10 کروڑ 56 لاکھ روپے مالیت کے اثاثوں کے مالک ہیں،ن لیگ کے خواجہ عمران نذیر 21 کروڑ 77 لاکھ سے زائد مالیت کے اثاثوں کے مالک ہیں،سردار اویس لغاری 28 کروڑ 32 لاکھ کے اثاثوں کے مالک ہیں،بلال یاسین 1 کروڑ 48 لاکھ مالیت کے اثاثوں کے مالک ہیں۔