لبنانی وزیراعظم سعد الحریری سعودی عرب روانہ ہو گئے جہاں وہ چند روز قیام کریں گے۔

لبنانی وزیراعظم کا حالیہ دورہ فرانسیسی صدر کی جانب سے چند روز قبل دیے گئے بیان کو غلط ثابت کرنے کے لیے کافی ہے جس میں امانوئل میکروں نے کہا تھا کہ سعد حریری سعودی عرب میں یرغمال تھے۔

لبنان میں نو سال کے بعد پارلیمانی انتخابات کے انعقاد کے بعد سعد حریری کو تیسری مرتبہ حکومت تشکیل دینے کی ذمے داری سونپی گئی ہے۔

الحریری نے دسمبر 2016ء سے لبنان کی وزارت عظمیٰ کا منصب سنبھالا ہوا ہے، ان کی پہلی حکومت کی تشکیل 2009ء میں ہوئی تھی جو 2011ء تک جاری رہی۔

واضح رہے کہ 6 مئی کو ہونے والے حالیہ انتخابات میں سعد حریری کے المستقبل گروپ نے اپنی ایک تہائی پارلیمانی نشستیں کھو دیں۔

اس کے مقابل حزب اللہ اور اس کے حلیفوں نے نمایاں کامیابی کویقینی بنایا۔