لاہور(ویب ڈیسک)اداکار ہو میزبان جگن کاظم نے کہا ہے کہ بچپن میں کافی شرارتی تھی، دوسروں کے والدین کو دیکھ کر خواہش ہوتی تھی کہ ان کے والدین بھی ساتھ ساتھ ہوں لیکن انہوں نے کبھی بھی اپنے والدین کو ایک ساتھ دیکھا ہی نہیں۔انہوں نے کہا کہ انہیں ریاضی اور اردو کی سمجھ نہیں آتی تھی اور
جس کا غصہ وہ باقی مضامین پر نکالتی تھیں،انہوں نے دور طالب علمی میں اپنے اساتذہ کو بہت تنگ کیا اور بہت ڈانٹ کھائی۔شادی بارے ایک سوال کے جواب میں انہوں نے کہا کہ وہ اپنے پہلے شوہر احمد تاجک سے ایک اتوار کو ملی تو دوسرے اتوار کو شادی کر لی تھی اور جب سب کو بتایا تو سب ہی خوفزدہ ہو گئے کیونکہ ان کی کراچی میں ساکھ اچھی نہیں تھی۔ ان کے پہلے شوہر ان کو بہت مارتے تھے اور وہ چھ مہینے تک ان کے ساتھ رہی اور شادی کے ڈیڑھ سال بعد 2004 میں ان کی طلاق ہو گئی، 2013 میں انہوں نے فیصل نقوی سے دوسری شادی کی۔جبکہ دوسری جانب ایک خبر کے مطابق بالی ووڈ کی بولڈ اداکارہ راکھی ساونت نے انکشاف کیا ہے کہ انہیں بھی انڈسٹری میں کاسٹنگ کاﺅچ کے کئی واقعات کا سامنا کرنا پڑا ہے۔اپنے ایک انٹرویو میں اداکارہ نے بتایا کہ وہ انتہائی غریب گھرانے سے تعلق رکھتی ہیں، ان کی ماں ہسپتالوں سے کچرا اٹھانے کا کام کرتی تھی اور وہ دونوں لوگوں کا بچا ہوا کھانا کھاتے تھے۔
اداکارہ کے مطابق جب انہوں نے فلم انڈسٹری میں قسمت آزمائی شروع کی تو بہت سی ناگوار پیشکشوں کا سامنا کرنا پڑا۔راکھی ساونت نے بتایا کہ جب وہ اپنا پورٹ فولیو لے کر پروڈیوسرز اور ڈائریکٹرز سے ملنے جاتی تھیں تو وہ کمرے کا دروازہ بند کردیا کرتے تھے، میں بچ بچا کر مشکل سے وہاں سے بھاگا کرتی تھی۔آئٹم گرل نے بتایا کہ آڈیشن کے دوران اکثر ان سے اپنا ’ٹیلنٹ ‘دکھانے کا مطالبہ کیا جاتا تھا ، ”پہلے تو مجھے ’ ٹیلنٹ‘ کا پتا ہی نہیں تھا لیکن جب سمجھ آئی تو وہاں سے بھاگ کھڑی ہوتی تھی۔خیال رہے کہ اس سے قبل بھی متعدد اداکارائیں بالی ووڈ میں کاسٹنگ کاﺅچ کے انکشافات کرچکی ہیں، بعض اداکاراﺅں نے می ٹو مہم کے تحت انڈسٹری کے بڑے ناموں پر ہراسانی کے الزامات بھی عائد کیے ہیں
