امریکا میں ان دنوں کرسمس کی تیاریاں عروج پر ہیں اس موقع پر امریکی صدر ٹرمپ نے اہلِ خانہ کے ہمراہ نیشنل کرسمس ٹری روشن کرنے کی تقریب میں شرکت کی۔

امریکی میں 95ویں سالانہ نیشنل کرسمس ٹری روشن کرنے کی تقریب وائٹ ہاؤس کے قریب ہی منعقد کی گئی جس کے دوران صدرٹرمپ نے قمقموں سے مزین کرسمس ٹری خاتونِ اول میلانیا کے ساتھ مل کر روشن کیا اور امریکی عوام کو کرسمس کے علاوہ سالِ نو کی آمد کی مبارکباد پیش کی۔ تقریب میں کئی نامور گلوکاروں نے شاندار پرفارمنس دی جس پر ٹرمپ اور میلانیا سمیت تمام مہمان بھی جھوم اُٹھے۔ اس موقع پر اسٹیج کو سرخ پھولوں، تحائف اوراور ننھے کرسمس ٹریز سے خوبصورتی سے سجایا گیا تھا، جبکہ سرخ لباس اور سرخ کوٹ میں میلانیا بھی تقریب میں مرکزِ نگاہ بنی رہیں۔