پنڈی بھٹیاں میں دھند کے باعث موٹروے ایم 2 پر لاہور سے اسلام آباد جانے والی 15 گاڑیاں ٹکرا گئیں، ایک شخص جاں بحق اور 25 زخمی ہو گئے
پنڈی بھٹیاں میں دھند کے باعث موٹروے ایم 2 پر لاہور سے اسلام آباد جانے والی 15 گاڑیاں ٹکرا گئیں۔ حادثے میں ایک شخص جاں بحق اور 25 زخمی ہو گئے۔ زخمیوں کو تحصیل ہیڈ کوارٹر ہسپتال منتقل کر دیا گیا جبکہ 3 افراد کی حالت غیر ہونے کے پیش نظر الائیڈ ہسپتال فیصل آباد ریفر کر دیا گیا۔ حادثہ سیال موڑ کے قریب پیش آیا، جہاں دھند کی وجہ سے قافلے کی صورت میں چلنے والی 15 سے زائد گاڑیاں آپس میں ٹکرا گئیں۔
