دی نیوز کے رپورٹر احمد نورانی پر حملے کے بارے میں پولیس کی ابتدائی تحقیقاتی رپورٹ کی نقل نجی ٹی وی نے حاصل کرلی، پولیس نے احمد نورانی پر حملے میں استعمال کیے گئے مشکوک موٹر سائیکل کی شناخت کرلی ہے۔
جیونیوز کو حاصل ہونے والی دستاویزمیں کہا گیا ہے کہ پولیس احمد نورانی پر حملے میں استعمال کیے گئے مشکوک یا ماہا موٹرسائیکل کی تلاش کر رہی ہے، موٹرسائیکل کی شناخت سی سی ٹی وی فوٹیج سے کی گئی۔احمد نورانی پر حملے سے قبل فیض آباد سے اسلام آباد آتے ہوئے تعاقب کیا گیا، موٹرسائیکل کو صبح 10 بجکر 55منٹ پر زیرو پوائنٹ پر دیکھا گیاجس پر 3افراد سوار تھے۔یا ما ہا موٹرسائیکل کو زیرو پوائنٹ کے بعد کراچی میں بھی دیکھا گیاتاہم موٹرسائیکل کے بارے ایکسائز اینڈ ٹیکسیشن دفتر سے تفصیل حاصل کرلی گئی جبکہ احمد نورانی پر حملے کے روٹ کی تاحال جیو فینسنگ جاری ہے۔
