لاہور: ہماری کوشش ہے کہ جو کھلاڑی باہر بنچوں پر بیٹھے ہیں ان کو بھی سری لنکا کیخلاف آزمایا جائے: چیف سلیکٹر انضمام الحق
چیف سلیکٹر انضمام الحق نے سری لنکا کے خلاف آج ہونیوالے تیسرے ٹی ٹونٹی میچ کے لیے قومی ٹیم میں تبدیلی کا عندیہ دیدیا ۔ انضمام الحق کا کہنا ہے کہ کوشش ہے جو کھلاڑی باہر بیٹھے ہیں انہیں بھی سری لنکا کے خلاف آزمایا جائے ۔ سابق ٹیسٹ کپتان نے جہاں سری لنکا کے خلاف ون ڈے اور ٹی ٹونٹی سیریز میں فتح کو سینئر اور جونیئر کھلاڑیوں کے بہترین کمبی نیشن کا نتیجہ قرار دیا وہیں انہوں نے ٹیسٹ میں یونس اور مصباح کی کمی محسوس ہونے کا بھی اعتراف کیا ۔ انہوں نے کہا پاکستان میں انٹرنیشنل کرکٹ کی بحالی کا کریڈٹ چیئرمین پی سی بی نجم سیٹھی کو جاتا ہے۔
