صدر پاکستان ممنون حسین آج ایکسپو سینٹر کراچی میں پاکستان انٹرنیشنل ٹریڈ فیئر 2017 کا افتتاح کریں گے۔

26 اکتوبر سے 29 اکتوبر تک جاری رہنے والی نمائش میں 300 سے زائد کمپنیاں اپنی مصنوعات وخدمات پیش کریں گی۔ ان کمپنیوں میں تقریباً 200کمپنیاں پاکستان اور 100غیر ملکی کمپنیاں شامل ہیں۔ نمائش کا انتظام ایف پی سی سی آئی نے کیا ہے ۔ نمائش کو حکومت پاکستان اور ٹڈاپ کا بھی مکمل تعاون حاصل ہے۔ 27؍ اکتوبر کو نمائش میں سی پیک پر سیمینار بھی شو کا اہم حصہ ہے جس میں حکومتی نمائندے اور ماہرین خطاب کریں گے۔