باجوڑ ایجنسی میں مکان کی دیوار گرنے سے 7 افراد جاں بحق اور 6 زخمی ہوگئے۔
لیویز فورس کے مطابق ہیڈ کوارٹر خار میں خستہ حال ہونے کی وجہ سے مکان کی اونچی دیوار دوسرے گھروں پر جا گری، جس کے نتیجے میں ملبے تلے دب کر 7 افراد جاں بحق اور 6 زخمی ہوگئے، زخمیوں میں خواتین اور بچے بھی شامل ہیں۔ زخمیوں کو طبی امداد کے لئے پشاور منتقل کر دیا گیا ہے۔ پولیٹکل انتظامیہ اور مقامی لوگوں نے امدادی کاروائیاں شروع کر دی ہیں۔
