جی 7 ممالک اور ٹیکنالوجی کے بڑے اداروں بشمول گوگل، فیس بک اور ٹوئٹر نے انٹرنیٹ پر مذہبی انتہا پسندانہ مواد کے پھیلائو کو روکنے کےلئے ساتھ مل کر کام کرنے پر اتفاق کیا ہے۔

غیرملکی خبررساں ادارے کےمطابق اس سلسلے میں اطالوی وزیر داخلہ مارکو منیٹی نے کہا ہےکہ آزادی کے نام پر عظیم اتحاد کی جانب یہ پہلا اقدام ہے۔ فرانسیسی وزیر داخلہ جیراڈ کولمب کا کہنا ہے کہ اس اتحاد کا مقصد انتہا پسندانہ مواد کو 2 گھنٹوں کے اندر ہٹانا یقینی بنانا ہے۔ امریکی ہوم لینڈ سیکیورٹی کے قائم مقام سیکریٹری الائنے ڈیوک کا کہنا ہےکہ ہمارے دشمن ایک ٹوئٹ کی رفتار سے چل رہے ہیں اور ہمیں اس کامقابلہ بھی اسی رفتار سے کرنا ہوگا۔