چوتھے ایک روزہ بین الاقوامی میچ میں سری لنکا نے پاکستان کے خلاف ٹاس جیت کر بیٹنگ کا فیصلہ کیا ہے۔
پاکستان کی طرف سے عثمان خان جبکہ سری لنکا کی جانب سے سمارا وکرما ون ڈے ڈیبیو کر رہے ہیں۔ عثمان خان کو شعیب ملک نے انٹرنیشنل کیپ دی۔ پاکستان کو پانچ میچوں کی سیریز میں تین صفر کی فیصلہ کن برتری حاصل ہے، گرین شرٹس سیریز میں مسلسل چوتھی فتح کیلئے پرعزم ہیں۔ خیال رہے کہ ابوظبی کے شیخ زاید اسٹیڈیم میں پاکستان نے سری لنکا کو تیسرے ون ڈے میں سات وکٹوں سے ہرا کر پانچ میچوں کی سیریز پہلے ہی اپنے نام کر لی ہے۔
شارجہ کرکٹ اسٹیڈیم میں پاکستانی ٹیم کل 122 ون ڈے میچز کھیل چکی ہے جس میں سے 81 میں اسے کامیابی، 40 میں ناکامی اور ایک میچ کا کوئی نتیجہ نہیں نکلا۔ 122 میچز میں سے پاکستان نے سری لنکا کے خلاف 35 میچز کھیلے جس میں 22 بار پاکستانی شاہینوں نے فتح سمیٹی جبکہ 12 بار سری لنکن شیروں نے جیت حاصل حاصل کی۔
