ویسٹ انڈیز میں جاری کیریبئن ٹی 20 لیگ میںکولن منرو کی ناقابل شکست نصف سنچری کی بدولت ٹرنباگو نائٹ رائیڈرز کی ٹیم فائنل میں پہنچ گئی۔ لیگ کے کوالیفائر ٹو میچ میں گیانا امازون واریئرز نے پہلے بیٹنگ کرتے ہوئے مقررہ اوورز میں 6 وکٹوں کے نقصان پر 159 رنز بنائے۔
جواب میںنائٹ رائیڈرز نے ہدف 18 ویں اوورز میں 4 وکٹوں کے نقصان پر حاصل کرلیا۔ کولن منرونے ناقابل شکست57رنز اور براوو نے 43 رنز بنائے۔ گیانا امازون واریئرز کی طرف سے سہیل تنویر، راشد خان، ایمریت اور پرومول نے ایک ایک کھلاڑی کو آؤٹ کیا۔ کریبئن لیگ کے فائنل میں ٹرنباگو نائٹ رائیڈرز کا مقابلہ سینٹ کٹس اینڈ نیوس پیٹریٹس سے ہوگا، جو کہ پہلے کوالیفائر کا ری میچ بھی بن گیا ہے جس میں سینٹ کٹس اینڈ نیوس پیٹریٹس نے کامیابی حاصل کرکے فائنل میں جگہ بنائی تھی۔
