پاکستان فیسٹیول فرانس کے حوالے سے سفیر پاکستان معین الحق کا خصوصی پیغام

پیرس(بیورو رپورٹ، مانیٹرنگ رپورٹ)پاکستان کی آزادی کے ستر سال مکمل ہونے پر فرانس میں سفارتخانہ پاکستان اور پاکستانی کمیونٹی کی طرف سے مختلف تقریبات کا انعقاد کیا گیا ۔ ان تقریبات میں پاکستان کے روایتی کلچر ، صوفی موسیقی ، کو بھی متعارف کرایا گیا۔ سفارتخانہ پاکستان اور فرانس کی پاکستانی کمیونٹی کے تعاون سے پہلی بار پاکستان فیسٹیول کے نام سے ایک فیملی میلہ کا اہتمام کیا جارہا ہے۔ اس میلے میں پاکستانی فیمیلیز اور بچوں کیلئے خصوصی تفریحی پروگراموں کا بھی انتظام کیا گیا ہے۔ پاکستان کے نامور گلوکار جواد احمد اس میکے میں خصوصی شرکت کریں گے۔ اور اپنی گلوکاری کا جادو جگائیں گے۔ سفیر پاکستان معین الحق کی سرپرستی میں ہونے والے اس فیملی میلے میں فرانس میں مقیم تمام پاکستانیوں کو شرکت کی خصوصی دعوت ہے۔ میلہ سترہ ستمبر بروز اتوار سارسل کے اسپورٹس اسٹیڈیم نیلسن منڈیلا میں ہوگا۔ میلہ صبح گیارہ سے شام سات بجے تک جاری رہے گا۔ سفیر پاکستان معین الحق نے پاکستان فیسٹیول کے حوالے سے پاکستانی کمیونٹی کیلئے ایک خصوصی پیغام بھی ریکارڈ کروایا ہے۔
پاکستان فیسٹیول فرانس کمیٹی۔