درخواست سپریم کورٹ لاہور رجسٹری میں دائر کی گئی، درخواست گزار کا بچے کی ہلاکت کا مقدمہ ذوالفقار بھٹو کیس کی طرز پر ٹرائل کورٹ کی بجائے ہائیکورٹ میں چلا نے کی استدعا۔
اسلام آباد: نواز شریف کے قافلے کی گاڑی کی ٹکر سے بچے کی ہلاکت، سپریم کورٹ میں نواز شریف اور ساتھیوں کیخلاف مقدمہ درج کرنے کے لیے درخواست دائر کر دی گئی، درخواست گزار نے استدعا کی ہے کہ بچے کی ہلاکت کا مقدمہ ذوالفقاربھٹو کیس کی طرح ٹرائل کورٹ کی بجائے ہائیکورٹ میں چلایا جائے۔ تفصیلات کے مطابق محمود اختر نقوی کی جانب سے سپریم کورٹ لاہور رجسٹری میں دائر درخواست میں کہا گیا کہ نواز شریف کی جی ٹی روڈ پر تقاریر کا ریکارڈ بھی طلب کر کے آرٹیکل 6 کے تحت غداری کے مقدمات دائر کئے جائیں۔ نواز شریف نے عوامی اجتماعات میں توہین عدالت کی ہے۔ بطور نا اہل وزیراعظم نواز شریف نے پارلیمانی پارٹی کے اجلاس کی بھی صدارت کی۔ نواز شریف کا نام ای سی ایل میں بھی شامل کیا جائے۔ درخواست میں یہ استدعا بھی کی گئی کہ اراکین پارلیمنٹ آئین کو آرٹیکل 62۔63 میں ترمیم سے بھی روکا جائے۔
