ایم کیو ایم پاکستان کے سربراہ ڈاکٹر فاروق ستار کہتے ہیں کہ ایم کیو ایم پاکستان کی حب الوطنی پر شک نہ کیا جائے، 22 اگست کی تقریر کے بعد لندن سے علیحدگی اختیار کر لی تھی۔
کرچی: ایم کیو ایم پاکستان کے سربراہ ڈاکٹر فاروق ستار نے 11 سے 14 اگست تک یوم آزادی فیسٹیول منانے کا اعلان کر دیا۔ ایم کیو ایم رہنماء کہتے ہیں کہ ایم کیو ایم پاکستان کی حب الوطنی پر شک نہ کیا جائے، 22 اگست کی تقریر کے بعد لندن سے علیحدگی اختیار کر لی تھی۔ کراچی میں پریس کانفرنس کرتے ہوئے ڈاکٹر فاروق ستار کا کہنا تھا کہ انکی سیاست کو ایک سال ہو گیا، اب تک لاپتہ کارکنان کو بازیاب ہو جانا چاہیے تھا، ایم کیو ایم کے دفاتر بھی اب تک واپس نہیں ملے، جبکہ کارکنان کی گرفتاریوں میں تیزی آ گئی ہے۔ ڈاکٹر فاروق ستار کا مزید کہنا تھا کہ ملک میں آئین کی بالادستی اور قانون کی حکمرانی ہونی چاہیے۔
