تاجکستان کے دارالحکومت دوشنبے میں کاسا1000سے متعلق 4 ملکی اجلاس سےقبل وزیراعظم نواز شریف اور افغان صدر اشرف غنی کی خوش گوار موڈ میں غیر رسمی ملاقات ہوئی۔ دونوں رہنماؤں کی ون آن ون ملاقات بھی ہوگی۔
وزیراعظم نوازشریف کی تاجک صدر اور کرغزستان کے وزیراعظم سے بھی ملاقات ہوئی ہے۔ پاکستان افغانستان اورتاجکستان کےدرمیان سہ فریقی مذاکرات بھی ہوں گے، سہ فریقی مذاکرات میں اقتصادی راہداری، امن وامان اور افغانستان کی صورتحال پرغورہوگا۔ کاسا 1000 منصوبے سے پاکستان اور افغانستان کو سستی اور ماحول دوست بجلی ملے گی۔
