فٹبال کنفیڈریشن کپ کا ٹائٹل مقابلہ آج چلی اور عالمی چیمپئن جرمنی کے درمیان ہو گا۔ ٹیموں کے جوڑ توڑ اپنی جگہ لیکن برفانی ریچھ نے جرمن ٹیم کی جیت کی پیشگوئی کر دی۔
ماسکو: روس کے شہر سینٹ پیٹرز برگ میں فٹبال کنفیڈریشن کپ کا فائنل آج کھیلا جائے گا۔ ٹائٹل کی جنگ میں چلی اور ورلڈ چیمپئن جرمنی کی ٹیمیں مدمقابل ہوں گی۔ فیصلہ کن معرکہ پاکستانی وقت کے مطابق رات گیارہ بجے شروع ہو گا۔ کھلاڑیوں کی تیاریاں اور پرستاروں کی امیدیں اپنی جگہ لیکن برفانی ریچھ نے جرمن ٹیم کے چیمپئن بننے کی پیشگوئی کر دی ہے۔ برفانی ریچھ کی پہلی کوشش میں نتیجہ خیز نہ ہونے کا مطلب یہی لیا جا رہا ہے کہ دونوں ہاف میں مقابلہ برابر رہے گا جبکہ فیصلہ اضافی وقت میں ہو گا۔
