واشنگٹن ڈی سی: امریکی صدر ڈونلڈ ٹرمپ نے کہا ہے کہ اب شمالی کوریا کے معاملے پر مزید تحمل کا مظاہرہ نہیں کیا جاسکتا اور وقت آگیا ہے کہ شمالی کوریا کو بھرپور ارادے کے ساتھ جواب دیا جائے۔

The new threat of the attack by trump on North Korea

ان خیالات کا اظہار انہوں نے وائٹ ہاؤس میں جنوبی کوریائی صدر مون ژئی کے ساتھ مشترکہ پریس کانفرنس میں کیا جبکہ اس دوران انہوں نے مزید کہا کہ ہم سب کو ایک بے پروا اور سفاک حکومت سے شدید خطرہ ہے۔ شمالی کوریا کو دھمکی دیتے ہوئے ڈونلڈ ٹرمپ کا کہنا تھا کہ وہ اپنا قبلہ جلد از جلد درست کرلے۔  اپنے امریکی ہم منصب کی تائید کرتے ہوئے جنوبی کوریا کے صدر مون ژئی نے شمالی کوریائی رہنماؤں کے ساتھ گفت و شنید جاری رکھنے کی ضرورت پر بھی زور دیا جبکہ اپنے بیان میں یہ مؤقف اختیار کیا کہ جنوبی کوریا اپنے دفاع کےلیے اقدامات کرتا رہے گا۔ مون ژئی کا کہنا تھا کہ سیکیورٹی کے مضبوط اور مؤثر اقدامات ہی خطہ بحرالکاہل کے ممالک کی سلامتی کی ضمانت دے سکتے ہیں۔