تحریک انصاف ڈنڈا ، تماشا اور گالی پارٹی ہے، مریم اورنگزیب

MH Kazmi June 22, 2017June 22, 2017 1 min read

Tehreek-e-Insaf is the shaft, sightseeing and abuse Party, Maryam Aurangzeb

اسلام آباد: وزیرمملکت مریم اورنگزیب کا کہنا ہے کہ جےآئی ٹی میں انویسٹی گیشن نوازشریف، انکے خاندان کے پرائیویٹ بزنس کی ہورہی ہے اور کسی کے حقوق کو مجروح نہیں ہونے دیا جائے گا۔

اسلام آباد میں میڈیا سے گفتگوکرتے ہوئے وزیرمملکت مریم اورنگزیب کا کہنا تھا کہ کسی کے حقوق کو مجروح نہیں ہونے دیا جائے گا، وزیراعظم نے عدالت کو خود جے آئی ٹی بنانے کے لیے خط لکھا تھا، حکومت نے ہمیشہ اعلی عدلیہ کا احترام کیا ہے جب کہ تمام تحفظات کے باجود تصویر کیس کا فیصلہ تسلیم کیا، انصاف ہمیں پاکستان کے آئین و قانون سے ملے گا۔ مریم اورنگزیب نے کہا کہ پاناما منی لانڈرنگ یا کرپشن کا کیس نہیں، مخالفین کی طرف سے کرپشن کو کیس کے ساتھ جوڑا گیا، شہباز شریف اور کیپٹن صفدر کا نام پاناما کیس میں نہیں جب کہ جےآئی ٹی میں انویسٹی گیشن نوازشریف اور ان کے خاندان کے پرائیویٹ بزنس کی ہورہی ہے۔

پی ٹی آئی کے چئیرمین عمران خان کو شدید تنقید کا نشانہ بناتے ہوئے مریم اورنگزیب کا کہنا تھا کہ عمران خان نے پچھلے 4 سال ڈراموں ، جھوٹ اور الزام لگانے کے علاوہ کچھ نہیں کیا، عمران خان نے کے پی کے میں کرپشن کو فروغ کیا، الیکشن کمیشن میں آج تحریک انصاف کے وکیل کہتے ہیں کیس کو غیرمعینہ مدت تک ملتوی کردیں، عمران خان عدالتوں سے مفرورہیں اوریہاں آکر لیکچر دیتے ہیں اور جب ان سے سوال ہوتا ہے الیکشن کمیشن میں تو یہ جواب نہیں دیتے۔ مریم اورنگزیب کا کہنا تھا کہ عمران خان کی منی ٹریل کی بات ہوتی ہے تو کہتے ہیں 10 سال کا منی ٹریل میرے پاس نہیں، پی ٹی آئی بھارت سے فنڈنگ کا اعتراف کیوں نہیں کرتی، عمران خان سازشوں کے لیے کوئی کھلونا نہیں ملے گا جب کہ پی ٹی آئی کے مطابق کوئی کام نہ ہو تو ہراساں کرتے ہیں۔