ون نے کراچی کے لکی ون مال میں اپنے نئے اور عظیم الشان اسٹور کا افتتاح کردیا ہے۔
اس موقع پر چن ون کے سی ای او میاں محمد کاشف اشفاق بھی موجود تھے۔ تقریب کے مہمانِ خصوصی البرکہ اسلامی بینک کے سی او او شجاع قدوائی تھے جنہوں نے راشد منہاس روڈ پر واقع لکی مال میں چن ون اسٹور کا افتتاح کیا۔ اس موقع پر چن ون کے سی ای او نے کمپنی نیٹ ورک کی توسیع سے متعلق اپنا وژن بیان کرتے ہوئے گارمنٹس، گھریلو ٹیکسٹائل، فرنیچر اور دیگر گھریلو مصنوعات کی بہترین معیار اور شاندار جدت پر روشنی ڈالی۔
میاں محمد کاشف نے مزید کہا کہ وہ چِن ون کے مخلص صارفین کے شکر گزار ہیں اور ان کی فیشن اور لائف اسٹائل کی ضروریات پورا کرنے کے لیے پُرعزم بھی ہیں۔ البرکہ بینک کے سی او او شجاع قدوائی نے اس موقع پر چِن ون کےلیے نیک خواہشات کا اظہار کرتے ہوئے کہا کہ گزشتہ برسوں میں چِن ون نے ایک بہترین بزنس ماڈل کے طور پر ترقی کی ہے جو کہ پاکستان میں ایک بہترین کیس اسٹڈی کے طور پر پیش کیا جاسکتا ہے۔
چِن ون نے پاکستان میں 20 سال قبل اپنے کاروبار کا آغاز کیا تھا اور صارفین کی حوصلہ افزائی سے بہترین معیارات کی حامل پروڈکٹس پیش کررہا ہے۔ یہاں تک کہ اس نے بزنس کے کئی ماڈل تشکیل دیئے ہیں۔ نئے اسٹور کے افتتاح کے موقع پر فیشن، بزنس اور دیگر شعبہ ہائے زندگی کی ممتاز شخصیات بھی موجود تھیں۔ ملک بھر میں چِن ون کے 48 اسٹورز کے علاوہ دنیا بھر میں اس کے عظیم الشان آؤٹ لٹس موجود ہیں۔
