چیمپئنز ٹرافی کے سنسنی سے بھرپور فائنل میچ میں بھارت نے ٹاس جیت کر پہلے فیلڈنگ کا فیصلہ کیا ہے۔
لندن کے اوول کرکٹ گراؤنڈ میں دونوں ٹیمیں اب سے کچھ دیر بعد میدان میں اتریں گی۔ قومی ٹیم کپتان سرفراز احمد کی قیادت میں جیت کے لئے پرعزم ہے۔ بھارت کے خلاف چیمپئنز ٹرافی کے فائنل کے لئے قومی ٹیم میں ایک تبدیلی کی گئی ہے اور فاسٹ بولر محمد عامر کو پلیئنگ الیون کا حصہ بنایا گیا ہے۔ چیمپئنز ٹرافی کی تاریخ میں دونوں ٹیمیں چار مرتبہ ایک دوسرے کے آمنے سامنے آچکی ہیں جن میں دونوں ٹیموں کو 2،2 مرتبہ کامیابی حاصل ہوئی جب کہ اس ایونٹ میں پاکستان اور بھارت دوسری مرتبہ مدمقابل ہیں۔
گیارہ رکنی قومی ٹیم میں اظہرعلی، فخرزمان، بابراعظم، محمد حفیظ، شعیب ملک، کپتان سرفراز احمد، عماد وسیم، محمد عامر، شاداب خان، حسن علی اور جنید خان شامل ہیں۔
دوسری جانب بھارتی ٹیم روہت شرما، شیکردھاون، کپتان ویرات کوہلی، یوراج سنکھ، مہندرا سنگھ دھونی، کیدر یادیو، ہاردک پانڈیا، روندرا جدیجا، روی چندرن ایشون، بھونیشور کمار اور جیسپرت بھمرا پر مشتمل ہے۔
