کراچی: وزیراعلی سندھ مراد علی شاہ نے کے الیکٹرک کو پاک بھارت ٹاکرے کے دوران لوڈ شیڈنگ نہ کرنے کی ہدایت کی ہے۔
وزیراعلی سندھ مراد علی شاہ نے آج چیمپئینز ٹرافی کے پاک بھارت فائنل ٹاکرے کے دوران کے الیکٹک حکام کو لوڈ شیڈنگ نہ کرنے کی خصوصی ہدایت جاری کی ہے۔ وزیراعلی سندھ کا اس حوالے سے کہنا تھا کہ آج اتوارکے روز دفاتر، صنعتیں بند ہوتی ہیں جس کے باعث بجلی کی ضرورت رہائشی علاقوں میں ترجیحی بنیادوں پر با آسانی پوری کی جا سکتی ہے۔ وزیراعلی سے جب آج کی فتح کے بارے میں پوچھا گیا تو انہوں نے پاکستان کے میچ جیتنے کے عزم کو ظاہرکرتے ہوئے کہا کہ قومی ٹیم آج بھارت سے میچ جیت کر قوم کو عید الفطر کا تحفہ دے گی۔
