اوچ شریف میں نیشنل ہائی وے پر چنی گوٹھ کے قریب تیز رفتاری کے باعث بس اوور ہیڈ برج سے نیچے جاگری۔ حادثے میں 6 افراد جاں بحق اور 37 زخمی ہوئے۔
اوچ شریف: نیشنل ہائی پر لاہور سے کراچی جانے والی بس چنی گوٹھ اسٹاپ کے قریب تیز رفتاری کے باعث موڑ کاٹتے ہوئے بے قابو ہو کر اوور ہیڈ برج سے نیچے جا گری۔ حادثے میں 6 افراد جاں بحق جبکہ 37 زخمی ہو گئے۔ حادثے کی اطلاع ملتے ہی ریسکیو ٹیمیں موقع پر پہنچ گئیں اور گیس کٹر سے بس کی باڈی کاٹ کر جاں بحق افراد کی لاشوں کو نکالا۔ زخمیوں کو احمد پور شرقیہ، چنی گوٹھ اور دیگر قریبی اسپتالوں میں منتقل کر دیا گیا ہے۔
