ملتان میں زیر تعمیر عمارت کی چھت گر گئی جس کے نتیجے میں ایک مزدور جاں بحق جبکہ5 زخمی ہوگئے۔
ریسکیو 1122 کے مطابق ملتان میں شیدی لال پل کے علاقہ میں رفیق نامی شخص کی عمارت زیر تعمیر تھی جس کی چھت اچانک گر گئی، جس کے نتیجہ میں ملبے تلے دب کر 20 سالہ مزدور ندیم جاں بحق ہو گیا جبکہ دیگر 5 مزدور اشرف، حنیف، رضوان، ناظر حسین اور محمد شریف زخمی ہیں۔ ریسکیو اہلکاروں کا کہنا ہے کہ زخمیوں کو فوری طبی امداد کی فراہمی کے لیے نشتر اسپتال منتقل کر دیا ہے۔
