گوجرانوالہ: ڈپٹی ڈائریکٹر ایف آئی اے کا کہنا ہے کہ شہر کے 360 انسانی اسمگلرز کے شناختی کارڈز اور پاسپورٹ منسوخ کردیئے گئے ہیں۔

360 human smugglers canceled identity cards and passports in Gujranwala

گوجرانوالہ میں انسانی اسمگلرز کے خلاف کریک ڈاؤن شروع کردیا گیا ہے۔ ڈپٹی ڈائریکٹر ایف آئی اے خالد انیس کا کہنا ہے کہ شہر کے 360 انسانی اسمگلرز کے شناختی کارڈز اور پاسپورٹ منسوخ کردیئے گئے ہیں جن میں سے زیادہ تر مطلوب اسمگلرز بیرون ملک فرار ہوچکے ہیں۔ انیس خالد نے بتایا کہ  پہلے مرحلے میں بیرون ملک فرار ہونے والے اسمگلرز کو وطن واپسی پر مجبور کرنے کے لئے ان کی جائیدادیں ضبط کی جائیں گی اور دوسرے مرحلے میں ان کی ضبط شدہ جائیدادیں  فروخت کرکے متاثرین کو ادائیگیاں کی جائیں۔