فرنٹیئر کانسٹیبلری کی کارروائی کے دوران کوئٹہ کے نواحی علاقے گاہی خان چوک سے اسلحہ اور گولہ بارود برآمد ہوا ہے۔
آئی ایس پی آر کے مطابق مذکورہ اسلحہ و گولہ بارود گاہی خان چوک میں زیر زمین چھپایا گیا تھا۔ آئی ایس پی آر نے بتایا ہے کہ قبضے میں لیے گئے اسلحے میں
503 دستی بم ،5دیسی ساختہ آئی ای ڈیز، 1 آر پی جی سیون ،دو رائفلز، 22 عدد آر پی جی سیون گولے، 19 فیوز ،مختلف ساخت کے ہزاروں راؤنڈز اور دیگر تخریبی مواد شامل ہے۔
آئی ایس پی آر کا یہ بھی کہنا ہے کہ دہشت گرد کوئٹہ میں تخریب کاری کی بڑی کارروائی کرنا چاہتے تھے، تاہم ایف سی کی بروقت کارروائی نے شہر کو بڑی تباہی سے بچا لیا۔
